KORONADAL CITY– Tubtub sa karon nagakatingala sa gihapon ang isa ka environmentalist kung kay sin-o gid bala nga tingog ang nagpangibabaw agud nga i-amyenndaran ang Environment Code kag kakasaon ang ban sa open pit mining sa probinsya sang South Cotabato.
Sa interbyu sang Bombo Radyo Koronadal kay Chinkie PeliÑo-Golle, isa ka Environmentalist kag Regional Coordinator sang IPEN-SEA, madamo sang palamangkutanon ang iya nga huna-huna kun diin nagkuha sang kusog ang mga SP Members agud nga iduso ang pagkakas sa ban sa open pit mining.
Ginpahayag sini nga nahibaluan naman sang tanan nga ang kadam-an sang mga pumuluyo sang Probinsya ang indi gid luyag ang open pit mining amo nga daw kulukasubong nga pag-traidor ini sa kinamatarong sang katawhan.
Sa karon nagapangabay ini nga kung tani mabag o pa ini nga desisyon kag makabugtaw ang mga persona nga luyag sang open pit nga isa ini ka buluhaton nga makaguba sa palibot kag sa pug os nga Probinsya sang South Cotabato.
Isa ini ka bangugot nga kinahanglan magbugtaw ang tanan agud nga magbulig salbar sa kalibutan kag indi makaguba sa mga butang nga yara sa aton palibot.
