KORONADAL CITY- Nag abot na kahapon nga adlaw sa nagkalain lain nga lugar sa probinsya sang South Cotabato ang ballot boxes nga paga usaron sa palaabuton nga eleksyon sa siyudad sang Koronadal.
Ini ang ginpahayag ni Atty. Myla Luna- Bayao, PES sang Comelec South Cotabato sa interbyu sang Bombo Radyo Koronadal.
Suno sa iya, antes pa man nga napanaog sang F2 courier ang nasambit nga mga balota, nakaistasyon na sa palibot sang container van ang mga indibidwal nga ginakalakipan sang Comelec, PNP, kag mangin man ang representante ng Parish Pastoral Council for Responsible Voting (PPCRV) kag pipila naman ka mga pribado nga media para sa tinutuyo nga transparency.
Ginpahayag sang opisyal, nga sa karon may yara pa sang iban nga kabanwahan nga waay nakabaton apang ginahimo gid sang ila nga talatapan agud nga ma kumpleto kag plastar na ang mga gamit sa piniliay.
Nahibaluan nga kahapon nga adlaw, nag abot naman sa siyudad sang Koronadal ang yara sa 173 ka mga official ballots.
