KORONADAL CITY- Naga amat-amat na ka balik sa normal ang pagpangabuhi sang Russian lakip na ang mga pinoy sa Russia makaligad ang pila ka mga gin-imposar nga sanction sang nagkalain-lain nga pungsod bangud sa ginhimo nga pagpang-atake sang Russia sa pungsod Ukraine halos 2 na ka bulan ang naglabat tubtub sa subong.
Ini ang nangin kumpirmasyon ni Genevieve Dignadice, Bombo international Correspondent to Russia sa interview sang Bombo Radyo Koronadal.
Suno sa iya, naga amat-amat na ka bangun kag adoptar ang Russia halin sa mga crippling sanction sang mga dalagkuan nga mga kapungsuran lakip na ang UK kag US para naman paralisahon ang ekonomiya sang Russia.
Dugang pa sini, sang una nga mga sinemana , medyo mabudlay pa para sa Russia ang pag-adjust apang subong daw kulukasubong nga wala na naga batyag ang Russia sa ini nga mga sanctions.
Ginpahayag pa sini, nag kambiyo naman sang “bank system” ang Russia kag bangud sini, makapadala na sang kuwarta padulong sa Pilipinas sila nga mga pinoy nga ara sa Russia nga sang una indi nila mahimo bangud sa pag block sang mga international.
