KORONADAL CITY – Naka eksperyensya man sang pagbaha ang pipila sa mga banwa sa Maguindanao ilabi na ang mga ginkabig nga yara sa low lying areas bangud sa wala untat nga pagbubo sang ulan nga dala sang malain nga paniempo.
Suno kay MDDRMO Benjamin Alip sang Pagalungan Maguindanao sa ila nga banwa lamang yara sa 12 ka barangay ang ginbaha Samtang sa banwa sang Montawal ang madamo sang pamilya man ang apektado ilabi na ang mga barangay nga yara sang gilid lamang sang Liguasan Delta bangud sa madasig nga pag awas sang tubig bangud sa padayon nga pagbubo sang mabaskog nga pag ulan.
Ang nasambit nga mga banwa ang indi malayo sa banwa sang Pikit sa North Cotabato nga apektado man sang pagbaha. Kaangot sini, may pipila na ka mga residente ang nagpatindog sang mga tent sa mas matag as nga lugar sa gilid sang National Highway sa Area sang Pagalungana agud nga mangin luwas sa baha.
Gilayon naman nga nanghatag sang relief packs ang local government unit sa nasambit nga mga kabanwahanan sa mga apektado nga pamilya.
Sa karon, nagapanawagan ang mga opisyal nga maghalong kag magapabilin nga mangin vigilante sa padayon nga pag ulan ilabi na kag may panibag o nga malain nga paniempo nga maeksperyensyahan subong nga adlaw sang Lunes
