KORONADAL CITY- Mangin sentro sang pagpangamuyo sang mga kauturan nga Muslim sa South Cotabato ang pag umpisa sang Ramadan o isa ka bulan nga pag puasa ang kalinong sa palaabuton nga Mayo 9 , 2022, local kag national elections.
Ini ang ginpahayag ni Sultan Mutalib Sambuto, Muslim Affairs Chief sang South Cotabato sa interbyu sang Bombo Radyo Koronadal.
Suno kay Sambuto tinutuyo nila nga iupod sa ila nga pagpangamuyo sa subong nga selebrasyon sang Ramadan ang eleksyon bangud luyag nila nga mangin malinong, malimpyo, kag mangin madinalag on ang pagpili sang mga bag o nga nga magapungko nga opisyal sang gobyerno.
Dugang pa ni Sambuto, sa karon nga yara sa Alert level 1 na ang iban nga lugar sa probinsya, pagalauman nga magabalik na sa normal ang ila nga selebrasyon pareho sang wala pa sang Covid-19 pandemic sang tinalikdan.
Kag bangud nga ang Ramadan ang lakip sa Five Pillars of Islam, obligado ang tanan nga mga kauturan nga Muslim nga mya yara sang ikaayong lawas ang maga puasa luwas na lamang sa may mga sakit kag may mga deperensya sa lawas.
