Ginapabakod na sang Cotabato City Police Station ang ila c agud masiguro ang malinong, hapsay kag luwas nga paghiwat sang BARMM Parliamentary Election sa Setyembre 14, 2026.
Sa pakighinun-an sang Bombo Radyo Koronadal kay PLT Rochelle Evangelista, lakip sa ila preparasyon ang pagdugang sang police presence sa mga polling place kag iban pa nga strategic areas sa syudad.
Samtang ginapreparar ang seguridad, ginapaabot man sang kapulisan ang pag-abot sang augmentation personnel halin sa nagkalain-lain nga police offices.
Magabulig ini sa pagpatuman sang mga security measures antes, samtang kag pagkatapos sang eleksyon.
Ang dugang nga mga police personnel mahimo i-deploy sa mga lugar nga ginapaabot nga madamo ang botante, pati na sa mga lugar nga ginkabig nga may security concerns.
Samtang, nagpadala man ang South Cotabato Police Provincial Office ukon SCPPO sang 200 ka personnel bilang bahin sang augmentation force sang PNP Region 12 para sa eleksyon.
Sa sini, nanawagan ang kapulisan sa publiko nga magkooperar sa mga awtoridad, magsunod sa mga patakaran sa polling areas kag gilayon magreport sang bisan ano nga kahina-hinalang aktibidad nga mahimo makaapekto sa seguridad kag kalinong sang eleksyon.
