1 pulis , 2 sibilyan ang pilason sa serye sang pagpanglutahang sa bahin sang Barangay Rosary Heights 9 , Cotabato City.
Suno sa mga imbestigasyon sang Cotabato City Police Precinct 2, nakabati sang asud-asud nga lupok sang armas-luthang ang pila ka mga residente sa bahin sang ginarentahan nga balay sang mga biktima nga sanday Hubert Concepcion kag Fitzgerald Patagan nga ginratrat sang wala pa nakilal-an nga mga suspeks.
Natukiban sang mga otoridad nga masako ang duha sa paghampang sang online game nga Mobile Legends kasumpong sang mga ini ang wala pa nakil-an nga mga persona sa diin ginabulubanta nga P15,000 ang pusta sang magdaug.
Nagluntad suno pa ang indi pag hangpanay sa magtimbang nga bahin samtang naga hampang.
Makapila ka tion ang naglabay, naispatan sang mga testigo ang pila ka mga wala pa nakilal-an nga persona nga sakay sang motorsiklo kag ginluthang ang gina rentahan nga balay nanday Concepcion kag Patagan usar ang kalibre .45 nga pistola kag madasig nga nagpalagyo.
Madasig naman nga nagresponde nga mga kapulisan halin sa Cotabato City Police Precinct 2, sa pagpanguna ni Police Major Elixon Bona para sa paglagas sa mga suspek apang pag abot sa ila nga gina posisyonan sa bahin sang Barangay Rosary Heights 7, ginpalukpan ang mga ini sang mga armado nga lalaki usar ang mataas nga kalibre sang armas-luthang sa diin nagluntad ang engkwentro sang mga otoridad batok sa mga suspek.
Nakaangkon si Bona sang pilas bangud sa engkwentro.
Gin korner naman sang mga otoridad ang 11 ka mga suspek nga ginapatihan nga kaupod sang mga armado nga lalaki.
Sa subong, naga padayon ang pagpaayo sang pilason nga pulis kag 2 ka mga biktima sa isa ka balay-bulul-ngan samtang naga padayon naman ang imbestigasyon sang mga otoridad sa identity sang mga suspek//.Nakuhaan naman sang CCTV ang nag luntad nga engkwentro.
