KORONADAL CITY- Nagaka-eksperyensyar sang malapnagon nga pagbaha ang nagkalin-lain nga lugar sa mga probinsya sang Maguindanao kag North Cotabato bangud sa halos adlaw-adlaw nga wala untat nga pagbunok sang mabaskog nga ulan nga tuga sang LPA kag ITCZ.
Ang mga nasambit nga lugar ang ginalakipan sa mga banwa sang Pagalungan, Datu Montawal sa Maguindanao kag banwa sang Pikit sa North Cotabato. Suno sa PDRRMO Maguindanao, sa mga bawa sang Pagalungan kag Datu Montawal, halos tanan nga barangay ang lubog sa baha labi na sa mga malapit sa kilid sang sapa.
Mangin ang mga buluthuan , mga mosque , kabalayan kag mga pananom ang kasamtangan nga naglugdang sang tubig.Samtang , sa banwa sang Pikit, ginpanguhan naman sang MDRRMO ang ang pagnagtag sang mga trapal kag bugas sa mga tuman ka naabot sang baha sa mga sudlonon nga lugar sang banwa.
Sa subong, naga padayon ang assessment sang kada LGUs sa damyos nga ginbilin sang pagpanalasa sang malapnagon nga pagbaha sa nasambit nga lugar.
Kadungan sini, ang panawagan naman sang mga otoridad sa mga residente nga maghalung kag mangin alerti labi pa nga maka-ekperyensya ang Pilipinas sang La Niña nga tubtub pa sa madason nga tuig.
