KORONADAL CITY – Nagsaka na sa 31 ang numero sang firecrackers related injuries sa bug-os nga rehiyon dose sandig sa ginpaguwa nga datos sang DOH – Center for Health Development Soccsksargen Region.
Pinakamataas diri ang South Cotabato nga may 12, sinundan ng North Cotabato 9, Sultan Kudarat 5, Sarangani 3, kag General Santos City 2.
Sa nasambit nga numero, 6 diri ang eye injury, ang pinakabata naman yara sa 2-anyos lamang samtang ang pinakatigulang ang nagapang-edaron sang 78-anyos.
Nahibaluan nga ang 5 Star ang may pinakamadamo nga kaso sang nainvolbar sa palupok.
Sa natipon nga datos san DOH mas madamo naman ang mga lalaki nga nangin biktima sang palupok kun ikumparar sa kababaihan.
Padayon naman ang pahanumdom sang mga otoridad nga likawan ang pagpamuot sang palupok matapos ang selebrasyon sang New Year.
