KORONADAL CITY – Ang pagpaantos, gutom, kag ang indi pag-intiendihanay sa sulod sang grupo ang nagtulod sa tatlo ka mga miyembro sang Communist Terrorist Group (CTG) nga magsungka kag magbalik sa gobyerno sa kapulisan sang 2nd South Cotabato Provincial Mobile Force Company, sa Sitio Sto. Nino, Brgy Centrala, Surallah, South Cotabato, kahapon sang martes, Nobyembre 12, 2024.
Suno kay Police Major Roel Vergel Parreno, Force Commander sang 2nd SCPMFC, ang mga nag-sungka nga CTG amo sanday alyas Domingo, 49 anyos; alyas Pen-Pen, 34 anyos kag alyas Brigol, 55 anyos nga tanan taga- South Cotabato Province kag mga dating miyembro sang Guerilla Front Musa sang Far Southern Mindanao Region.
Gin-sungka man sang mga dating rebelde ang ila mga armas nga nagalakip sang isa ka homemade grenade launcher nga may kaupod nga bala, isa ka yunit sang homemade single shot gauge .20 nga may kaupod man nga isa ka bala, kag isa ka yunit sang rifle grenade.//Bangud sa mas ginpabaskog nga kampanya kontra insurhensiya sang 2nd SCPMFC, ang tatlo ka mga dating rebelde nag-surrender kag nagdesisyon nga magbalik-loob kag magbulig sa gobyerno.
Kadungan sini, ginpasalamatan naman ni PMaj Parenno ang mga Former Rebels sa pagpili nga suportahan ang gobyerno sa baylo nga ipadayon ang ila pagpakig away para sa mali kag pag sunod sa mga ideolohiya sang mga armado nga grupo.
