Ginabawian sang kabuhi ang duha ka indibidwal sa pagpaniro sang mga armado sa Sitio Sementeryo, Purok 4, Brgy. Poblacion, Ampatuan, Maguindanao Del Sur.
Ginkilala sang Ampatuan PNP ang mga napatay nga sanday Kael Nandang, 48 years old, mangunguma kag ugangan sini nga si Kalmo Butatek, 80 years old, lunsay mga residente sang nasambit nga lugar.
Suno kay Police Chief Captain Giuseppe Tamayo, hepe sang Ampatuan PNP, nagatindog lamang sa guwa sang ila nga puluy-an ang biktima nga si Kael sang hinali nga ginluthang sang makapila ka beses sang indi pa matumod nga mga armado.
Nahimo pa nga magdalagan sang biktima apang ginlagas pa ini sang mga suspek kag gintiro sang makapila ka beses.
Sa pagtiro sa biktima, nadalahig ang ugangan sini nga babaye nga nagaluto lamang sa kusina sang ila nga panimalay.
Matapos ang krimen, gilayon nga nagpalagyo ang mga suspect.
Narekober sang mga otoridad sa crime scene ang 26 basiyo sang caliber 5.56.
Nagapadayon pa sa karon ang ginahimo nga imbestigasyon sang kapulisan sa nagluntad nga krimen kag ginahibalo kun ano ang motibo sa pagpatay sa biktima.
