KORONADAL CITY- Nagapadayon sa subong ang imbestigasyon sang mga otoridad sa nagluntad nga disgrasya sa dalanon sa bahin sang Crossing Bual, Tulunan, North Cotabato sa diin ginkapatay sang mag-iloy samtang kritikal naman ang 2 ka iban pa.
Suno sa imbestigasyon, sakay suno pa ang 5 ka mga magpalamilya nga biktima lakip na ang isa ka 2 months old nga lapsag sang isa ka motorsiklo kag ginusoy ang kalabaon sang dalan sa nasambit nga lugar sang hinali na lamang suno pa nga na-side swipe ang mga ini sang isa ka unit sang Toyota Hilux kag isa ka Toyota Fortuner.
Sa kakusog sa impact sang nagtabog ang motor nga ginasakyan sang mga biktima sa diin dead on the spot ang mag-iloy bangud sa naangkon nga pilas sa ila nga kalawasan.
Kritikal naman ang padre de pamilya sang mga ini kag ang bayaw sini nga babayi.
Milagro naman nga nakaluwas ang 2 months old nga baby apang nabali ang tiil sini.
Nagpamalibad naman suno pa ang pangalanan ang mga otoridad ang mga biktima sa aksidente.
Naga padayon naman ang paghibalo sa mga identity sang mga driver sang 2 ka salakyan nga gina-alegar naka side swipe sa mga biktima.
