Nagpamahog si US President Donald Trump nga atakehon ang Oman, nga kilala nga kaalyado sang United States, kun indi ini magtadlong ukon mag-“behave.”
Ginhimo sang presidente sang Estados Unidos ang amo nga paandam kasunod sang mga report bahin sa ginapahayag nga negosasyon sa tunga sang Iran kag Oman.
Base sa mga report, nagaplano ang duha ka pungsod nga magpahamptang sang toll sa mga barko nga nagaagi sa Strait of Hormuz.
Ang nasambit nga Strait isa ka kritikal nga ruta sang mga oil tanker sa bug-os nga kalibutan, nga temporaryo nga nagsarado halin sang nagumpisa ang kinagamo sa tunga sang US kag Israel batok sa Iran.
Una na nga nagpahayag si Trump nga liwat nga ablihan ang Strait para sa tanan kag ginpabutyag nga wala sang bisan ano nga pungsod ang may kinamatarong nga magkakontrol sini.
Suno sa iya, bantayan sang Amerika ang lugar bilang kabahin man sang ila padayon nga pakignegosasyon.
Sa karon, wala pa sang ginpaguwa nga klaripikasyon ang White House bahin sa kontrobersyal nga pahayag ni Trump, kag wala pa man nagahatag sang opisyal nga sabat ang Embahada sang Oman sa Washington may kaangtanan sa isyu.
