Nagpahayag si Israeli Prime Minster Benjamin Netanyahu sang nga ginmanduan niya ang militar sang Israel nga padugangan ang kontrol sini sa Gaza Strip tubtob 70% sang teritoryo bilang kabahin sang mas hugot nga kampanya kontra sa Hamas.
Suno sa iya, kontrolado na sang Israel ang mga 60% sang Gaza, halin sa una nga 50%.
Ang dugang nga pagsakop sang teritoryo mahimo magduso sa halos 2 milyon ka Palestino sa mas nagadyutay ang numero nga bahin sang Gaza.
Gin-akusaran naman sang Hamas ang Israel nga nagalapas sa ceasefire agreement nga ginpatuman sang Oktubre 2025 pinaagi sa pagbalhin sang ginatawag nga “yellow line” ukon demarcation line.
Padayon man ang mga airstrike sang Israel sa Gaza bisan may ceasefire, kag suno sa Palestinian Ministry of Public Health, sobra 850 ka indibidwal nga ang napatay halin sang nag-umpisa ang kasugtanan.
Samtang, nagpahayag ang Israel nga indi sila untat tubtob wala nila maperdi ang mga lider sang Hamas kag indi ini magdisarma.
