KORONADAL CITY – Yara na sa kustodiya sang mga otoridad ang suspek sa pagpanglugos-patay sa mag utod nga menor de edad sa Sta. Cruz Davao Del Sur.
Ini makaligad maaresto ang suspek nga si Jessi Bon Palomo, taga Pigcawayan North Cotabato sakaya sa isa ka bus sang Banisilan.
Naguwa sa imbestigasyon sang mga otoridad nga ang suspek ang nanlugos kag nagpatay sa mga utod nga menor de edad nga kung sa diin nasapwan na lamang ini nga wala sang kabuhi sa Barangay Darong, Sta. Cruz Davao del Sur.
Nahibaluan nga ala una suno pa sang kaadlawon sang makabati ang witness nga si alyas Ronel sang singgit nga nagapangayo sang bulig kung sa diin alas singko na sang kaadlawon sang gin tsekyar sini ang balay sang mga biktima kag didto nakit an nga wala na sang kabuhi ang duha ka bata// Gilayon naman nga nanugid sa mga kapulisan ang witness rason agud nga madakpan ang suspek.
Narekober suno pa sa suspek ang isa ka improvised 12-gauge shot gun kag isa ka sachet sang shabu.
Nahibaluan man nga isa ka OFW ang mga nanay sini kag ginbilin lamang ang iya nga mga bata sa suspek nga nagtindug bilang ila nga step father humalin pa sang bulan sang Agusto.
Sa karon, nakatalana nga mag pauli ini sa pilipinas agud asikasuhon ang lubong sa iya nga mga kabataan.
Halos indi naman mabataon sini ang panghilitabo rason nga tuman gid ang iya pagpangayo sang bulig.
Samtang kaso nga rape with homicide naman ang pagaatubangon sang wala kalooy nga suspek nga sa karon sa kustudiya sang mga kapulisan.
