Nagapadayon sa subong ang madalom nga imbestigasyon sang mga katapo sang Bureau of Fire Protection (BFP) Koronadal angut sa nagluntad nga sunog sa bahin sang sang Osmeña St., Brgy. Zone 1, Koronadal City kagab-i takna ala-11:30 sang gab-e.
Sa interview sang Bombo Radyo Koronadal kay FO1 Adel Bert Santiago-Public Information Staff BFP Koronadal ginpahayag sini nga nalamita sang nagluntad nga sunog ang Ukay-Ukay shop, Barbershop, Cellphone Repair Shop kag isa ka Salon.
Gindugang pa sini nga sa inisyal nga imbestigasyon nagdangat sa ginabulubanta nga P38,000 ang balor sang danyos nga gintuga sang sunog.
Masuwerte naman nga wala sang naulamid nga mga indibidwal sa lugar sang nagluntad sang sunog bangud kadam-an sa mga stalls sang nasambit nga lugar ang nagsara na kag wala na sang madamo nga tawo sa lugar sang nagluntad ang sunog.
Kasamtangan naman nga ginahibalo sang BFP Koronadal ang gintunaan sang kalayo sa nagluntad nga insidente.
Liwat naman nga nagpaalinton ang BFP Koronadal sa tanan nga mag-ulu-aligmat sa mga posible nga mangin tunaan sang sunog, kag madasig nga pag report sa mga kulukasubong nga mga insidente para sa madasig man nga pag responde sang mga otoridad sa mga
