Ginatun-an subong sang World Health Organization (WHO) kon mahimo magamit ang pila ka mga candidate vaccines kag treatments kontra sa Ebola outbreak sa Democratic Republic of Congo (DRC).
Suno kay WHO representative Anne Ancia, gina-evaluate sang mga international experts kun may yara sang bakuna ukon bulong nga makabulig sa pagtapna sang paglapta sang balatian sa subong nga outbreak sa Ituri Region sang DRC.
Kapin sa 500 ka kaso sang Ebola ang na-record kag 131 ka mga tawo ang ginasuspetsahan nga napatay bangud sa amo nga balatian.
Bangud sini, gindeklarar sang WHO nga isa ka international health emergency ang pagtaas sang kaso sang makalalaton nga balatian kag magapatigayon sang emergency meeting agud talakayon ang nasambit nga krisis.
Apang, ginpahayag sang WHO nga wala pa sang bakuna ukon bulong nga magamit para sa Bundibugyo strain sang Ebola nga responsable sa karon nga outbreak.
