KORONADAL CITY – Ginpaklaro sang convenor sang South Cotabato sang Empowered – Peoples Initiative Referendum Movement Alliance ukon ePIRMA, nga wala sila may ginahatag nga kwarta partikular ginaalegar nga 100.00 pesos bilang bayad sang mga tawo nga gusto magpatisipar kag magpirma.
Sa interbyu sang Bombo Radyo Koronadal kay Atty. Remigio P.Rojas ang convenor for South Cotabato sang Empowered – Peoples Initiative Referendum Movement Alliance ukon ePIRMA, ginpahayag sini nga wala sang kamatuoran nga may gina hatang nga TUPAD halin sa DOLE sa baylo sang pagpirma sa hinambitan nga signature campaign.
Dugang pa sini nga wala man sang kamatuoran ang alegasyon nga ginpondohan sang Congressional Office partikular na sa segundo distrito kag ini nga suporta ang halin sa madamo nga business sectors kag mga grupo nga suportado ang hinambitan nga hublag.
Mahibaluan nga yara na 13.14% ang na i-submit na nga mga pirma halin sa mga banwa nga sakop sang segundo distrito sang South Cotabato, samtang nagapadayon sa gihapon ang grupo ni Atty.Rojas sa pagkalap sang mga pirma para sa pag amyenda sang 1987 Constitution Article 17 Section 1 Paragraph 1.
