Ginabantayan sang mga health authorities sa Brazil ang duha ka pasyente nga posible nga may Ebola infection sa mga syudad sang Sao Paulo kag Rio de Janeiro, kadungan sang kabalaka nga posible nga paglapta sang virus halin sa Central Africa padul-ong sa iban nga pungsod.
Nahibaluan nga isa ka 37-anyos nga lalaki halin sa Democratic Republic of the Congo (DRC) ang nakitaan sang hilanat kag nagpaidalom sa isolation bilang suspected case sang Ebola.
Apang, sa una nga eksaminasyon ang negatibo ini sa Ebola virus, apang padayon sa gihapon ini nga ginamonitor sa isa ka specialized infectious disease facility bilang paghalong.
Samtang, sa Rio de Janeiro, isa naman ka lalaki halin sa Uganda ang ginpaidalom man sa mga safety protocol matapos makaeksperyensya sang mga sintomas kasubong sang ubo kag pagpangurog.
Suno sa mga opisyal, nagpositibo ini sa malaria, apang nagapadayon sa gihapon ang imbestigasyon agud bug-os nga matanggal ang posibilidad sang Ebola virus sa mga nasambit nga syudad.
Ini nga tikang ang kabahin sa gihapon sang padayon nga Ebola outbreak sa Democratic Republic of Congo, kun sa diin masobra 1,000 suspected cases kag halos 250 na ang napagkit nga napatay halin sang gindeklarar ang outbreak sang Mayo 15, suno sa Africa Centres for Disease Control and Prevention.
