KORONADAL CITY – Patay ang isa ka senior citizen samtang pilason ang backrider sini sa panibag o nga vehicular accident nga nagluntad sa Brgy.Crossing Kablon,Tupi, South Cotabato, pasado alas 10 sang aga, Nobyembre 29, 2024.
Ginkilala ang napatay nga si Pampelo Sanico, 60 anyos, residente sang Purok 3, Brgy. Linan, sang nasambit nga banwa.
Samtang ang angkas sini ang gikilala kay Agosto Cerado, nasa legal nga pang-edaron.
Suno sa inisyal nga impormasyon gina-maneho ni Sanico ang isa ka red scooter sa kalabaon sang National Highway sang hinali ini nga gibunggo sang isa ka 4-wheel vehicle.
Sa kabaskog sang impact, nagtabog ang mga biktima sa semento.
Ini ang nangin tunaan sang kamatayon ni Sanico samtang nakaagom naman sang mga pilas saiya kalawasan si Cerado.
Nadangat pa ang duha sa balay bulungan apang gibawian sang kabuhi si Sanico.
Nagsungka naman ang driver nga nakabunggo sa mga biktima sa mga awtoridad sang Tupi.
Una na nga nagpaalinton ang pamunuan sang Tupi PNP nga maghalog sa tion sang pagmaneho sa dalanon agud maka likaw sa pagka-imbolbar sang mga ini sa disgrasya sa dalanon
