Gin-imbitaran sang Senate Blue Ribbon Committee si anay House Speaker kag Leyte 1st District Rep. Martin Romualdez sa pagpadayon sang pagpamati kaangot sa flood control scandal.
Suno kay Sen. Pia Cayetano, nga amo ang chair sang komite, nakatalana ang hearing sini nga adlaw, Hunyo 4, 2026.
Kalakip si Romualdez sa 34 ka personalidad nga gin-imbitaran sang komite.
Una na nga ginpanginwala sang Kongresista nga indi siya ang kuno yara sa likod sang iregularidad nga mga proyekto nga pang-imprastuktura kag budget insertions sa gobyerno.
Gina-imbitaran man sang komite ang 18 ka indibidwal nga nagpakilala nga anay mga tinawo sang Philippine Marines, nga nagsiling nga nagdul-ong sila sang kuno kickbacks sa pila ka opisyal sang gobyerno.
Gin-imbitaran man si anay assistant engineer Brice Hernandez, nga sadto nag-akusar sa pila ka mamalidha kaangot sa flood control anomaly.
Suno sa komite, tuyo sang imbestigasyon nga hibaluon ang kamatuoran sa likod sang mga alegasyon kag siguruhon ang salabton sa mga proyekto sang gobyerno.
