Ginkumpirma ni Ruffa Gutierrez nga wala na sang cancer ukon “cancer-free” na ang iya amay nga si Eddie Gutierrez, samtang ginpamatud-an man sang aktres nga buhi kag maayo ang iya iloy nga si Annabelle Rama.
Suno kay Ruffa, duha na ka semana ang nagligad sang nabal-an nila nga cancer-free na ang iya amay kag padayon nga nagapaayo ang kondisyon sini. Ginpili man sang pamilya nga pribado lang anay ang ila ginatubang, kag nagpasalamat siya sa tanan nga nagapangamuyo para sa kahimsog sang iya amay.
Sa pihak sini, ginpanginwala ni Ruffa ang mga nagalapta nga indi matuod nga balita parte sa iya iloy, kag ginpabutyag nga wala sang kamatuoran ang mga ini.
Nanawagan man ang aktres sa mga content creator nga magpanginbulahan sa pagpaambit sang impormasyon kag likawan ang pagpalapta sang mga istorya nga wala napamatud-an, labi na kon mahimo ini makahalit sa reputasyon sang iban.
Dugang pa ni Ruffa, indi husto nga gamiton ang pagpakalat sang indi matuod nga mga istorya para lamang makakuha sang dugang nga views kag engagement sa social media.
