Nagapasalamat si Senador Sonny Angara kay Pangulong Ferdinand R. Marcos Jr. sa pagtugot sa iya nga mangin bag-o nga tiglikom sang Department of Education.
Suno kay Angara, ginabaton niya ang panibag-o nga responsibilidad nga ginhatag sa iya sang punong ehekutibo.
Bilang bag-o nga Secretary sang DepEd, handa siya nga makigangot sa tanan nga sektor mangin sa anay tiglikom kag Bise Presidente Sara Duterte.
Ini agud mapat-od nga ang kada Filipino may access sa mataas nga kalidad sang edukasyon.
Nagapati man si Angara nga ang edukasyon amo ang pundasyon sang palaabuton sang aton pungsod.
Magapakig-angot man siya kay Pangulong Marcos kag sa bug-os nga administrasyon sa pagserbisyo sa mga estudyante, pagbulig sa mga manunudlo, kag pagpabaskog sang kalidad sang edukasyon sa aton pungsod.
Si Angara ang may Masters of Law sa Harvard University kun diin nangin senador ini halin sang 2013 tubtob subong, nangin kongresista man sang Aurora halin 2004 tubtob 2013, kag isa sa mga nagpabakod sang mga layi kasubong sang Kabalikat sa Pagtudlo Act, Excellence in Teachers Education Act, Universal Access to Quality Tertiary Education Act ukon Free College Law, Student Fare Discount Act, K to 12, Open Learning and Distance Education Act, Anti-Bullying Act, kag madamo nga iban pa.
