Ginpahayag ni Wennie Sancho, secretary-general sang GAWA, nga kinahanglan may regulatory framework para may basehan kag makabulig masolusyunan ang isyu sang kakulang sang kalamay kag para malikawan nga mag import sang kalamay.
Suno kay Sancho, importante ini nga ma solusyunan bangud sa padayon nga sugar importation, milyones ka mga sugar workers ang madulaan sang trabaho sa Pilipinas.
Nakita nga problema ni Sancho nga kon may kakulang sa suplay sang kalamay, ang sabat nga ginahimo sang gobyerno amo ang gilayon nga pag import sang kalamay.
Ginakwestyon man sini kon ngaa padayon naga export sang kalamay sa Amerika sa pihak nga ginakulang ang suplay sa Pilipinas nga nagaresulta sa pag-import sang kalamay kag pag pahanugut sang mga artificial sugars kaangay sang High Fructose Corn Syrup nga may pamahog sa ikaayong lawas sang isa ka indibidwal.
Ginaduso sang grupo nga magpatigayon sang sugar forums kag makig-angot indi lang sa mga sugar workers kundi patiman sa mga konsumidor
