DOHA QATAR – Nagdeploy na sang dugang nga mga kapulisan ang Quatari Government sa mga strategic areas sang pungsod Qatar bilang preparasyon sa naga hiliapit nga pagpatigayon sang FIFA World Cup sa ila nga pungsod para mangin luwas ang mga magapadulong sa nasambit nga host country..
Ini ang nanging pahayag ni Ms. Kim Peliño, BINC to Qatar sa interview sang Bombo Radyo Koronadal.
Suno sa iya talulupangdon man sa subong ang pagdugang sang Qatar sang pwersa para sa pagpabilin sa ng peace and order sa ila nga pungsod.
Magluwas diri, may mga re-routing man sang mga salakyan sa pila ka mga dalanon agud nga malikawan ang traffic bangud sa ginapreparahan nga pag dagsa sang mga delegasyon ukon mga bisita sa ila nga pungsod halin sa nagkalain-lain nga lugar para magtambong sa mga events nga natalana nga maglutad.
Suno sa iya, ang pag dugang sang pwersa sang mga otoridad sa mga public places ang para man nga ma kontrol ang mga tawo sa isa ka lugar kag luwas ang mga ini sa mga pamahog ukon panghitabo nga ginalikawan sa tunga sang pag sinadya.
