Preparado na para sa posible nga legal battle ang prosecution panel sa impeachment proceedings sa Senate of the Philippines bangud kadam-an sa mga miyembro sini ang mga eksperyensyado nga abogado.
Ini ang nangin pahayag ni Atty. RJ Sustiguer, resident of Integrated Bar of the Philippines – South Cotabato, sa exclusive interview sang Bombo Radyo Koronadal.
Suno kay Sustiguer, ang impeachment trial wala lang ginatan-aw bilang ordinaryo nga legal proceeding kundi isa man ka political proceeding nga may dako nga epekto sa gobyerno kag publiko.
Ginpabutyag man niya nga isa ka maayo nga tikang ang pagpili sang mga mamalidha nga may madalom kag malapad nga ihibalo kag eksperyensya sa legal nga aspeto agud mangin kabahin sang prosecution panel.
Dugang pa niya, importante ang presensya sang mga abogado agud masiguro nga mabutang sang husto ang mga ebidensya kag legal nga argumento sa impeachment proceedings.//Sa pihak nga bahin, ginpabutyag man ni Sustiguer nga wala sa timing ang pagilis sang liderato sa Senado bangud ginkuha kuntani ang tion agud magpreparar para sa pag-umpisa sang impeachment trial batok sa Bise Presidente.
