Nagdangat walo ka mga barangay ang nangin apketado sa nagluntad nga pagbaha sa bahin sang banwa sang Norala,South Cotabato bangud sa pila ka mga serye sang pag ulan nga nagluntad sa bug-os nga probinsiya sang South Cotabato.
Ini ang nangin pahayag ni Ms. Aiza Gabion-Lim, MDRRMO sang Norala South Cotabato sa interview sang Bombo Radyo Koronadal. Suno sa opisyal, lakip sa mga apektado nga mga barangay amu ang mga barangay sang Esperanza, Poblacion, Lopez Jaena, Kibid , Benigno Aquino, San Jose, Lapuz, Matapol// Nagdangat naman sa 25 ka mga pamilya ang naapektuhan sang pagbaha sa bahin sang Barangay Benigno Aquino sa diin napagkit ang pagsulod sa ng mga tubig baha sa puluy-an sang mga residente kabangdanan nga nag guluwa ang mga ini kag kasamtangan naman nga naga panag-a sang mga tubig nga nagsulod sa ila nga puluy-an.
Padayon naman sa subong nga ginahimo nga monitoring kag assessment sang MDRRMO Norala agud nga mahatagan sang ligwa ang pila ka mga residente nga nangin apektado sang kalamidad// Madumduman nga masami na nga makapagkit sang mga serye sang pagbaha sa nasambit nga banwa sa tion nga masami ang pagbunok sa ng ulan sa probinsiya sang South Cotabato.
