Dead on Arrival sa South Cotabato Provincial Hospital ang isa ka motorista matapos nga mabanga sa Center Island sa bahin sang Prk. Garfin, Brgy. Paraiso Koronadal City ini ang kabahin sang pahayag ni Kapitan Danilo Leguro sang Brgy. Paraiso, Koronadal City.
Ginkilala ang biktima nga si alyas John, 23 anyos kag residente sang Brgy. Bambad, Banwa sang Isulan, Sultan Kudarat.
Suno kay Kapitan Leguro, gina subay sang biktima ang kalabaon sang Natioanal Highway halin sa Banwa sang Banga padulong sa sentro sang Syudad sang Koronadal kag hinali na lang nga nagliko ini sa wala nga direksyon kag ginbanggan ang concrete nga center island kung sa diin naka agom sang pila ka mga injuries sa iya kalawasan rason nga gin bawian ini sang kabuhi.
Dugang pa niya nga sa tanan nga mga motorista nga hindi kabisado ang dalan mag slow down kag magpanilag ilabi na nga damo sang kurbada sa nasambit nga dalan.
Nagpanawagan man si Kapitan Leguro sa tanan nga mga motorista kag riding in public nga mag hinay hinay lang sa pag maneho ilabi na gid kung kaaganhon para malikawan ang kasubong nga insidente.
