Nagpaandam ang Philippine Institute of Volcanology and Seismology ukon Phivolcs sang posible nga lahar flow sa palibot sang Taal Volcano kag Mt. Pinatubo bangud sa padayon kag mabaskog nga pag-ulan dala sang habagat.
Suno sa ahensya, mahimo magresulta ang ulan sa pag-agos sang lahar, mudflow kag volcanic debris pakadto sa mga sapa, suba kag drainage canal, nga posible makaapekto sa mga yara sa mababa nga lugar.
Samtang, ginatutukan ang western slope sa Mt. Pinatubo kag mga lugar sa Zambales, Tarlac kag Pampanga nga posible maapektuhan sang lahar.
Sa Taal naman, posible maanod ang volcanic debris pakadto sa Taal Lake kag makaapekto sa Agoncillo, Laurel kag Talisay sa Batangas.
Ginapanawagan sang Phivolcs ang publiko kag mga lokal nga panguluhan nga magmonitor sang sitwasyon kag magpagwa dayon sang abiso ukon warning kon kinahanglanon.
