Bwelta ang ginpakita sang Presidential Communications Office (PCO) sa pahayag ni Senator Imee Marcos nga nagapangayo siya sang pasensya sa ila nagtaliwan nga amay bangud sa “indi niya pagbantay” sa iya utod nga si President Ferdinand Marcos Jr.
Ginpakamalaot ni Palace Press Officer Undersecretary Claire Castro nga ang mga pulong sang senadora kag ginkwestyon kun sin-o sa mag-utod ang kinahanglan bantayan kag nangin “sarawayon.”
Gindugang pa ni Castro nga si President Marcos ang nga wala nagayawyaw, wala naga-meltdown labi na sa publiko, kag wala man nagpamahog sang kabuhi sang bisan sin-o.
Ginpabugal sang Palace Official ang pagka-maayo nga padre de pamilya ni President Marcos kag ang pagpadayon sini nga “faithful” sa iya asawa bilang pagpamatok sa mga ginbuy-an nga mga tinaga sang senadora.
Ginkwestyon man ni Castro kun ang pagpangayo sang pasaylo ni Sen. Imee ang pata sa indi pagbantay ukon para sa iya direkta nga pagguba sa imahe sang iya kaugalingon nga utod.
Bisan pa man sa mga banat sang iya utod, ginpahayag ni Castro nga nakatutok gihapon ang Presidente sa iya trabaho kag wala nagabalod pinaagi sa pagguba sa imahe sang senadora.
