Duha ka Security Bank account sang Cale88, pareho na ginsira

Pareho na gin-close ukon ginsira sang Hulyo 2026 ang duha ka checking account sang Cale88 sa Security Bank, suno kay Leslie Cham, Branch Banking Group Head sang bangko, sa ika-35 nga adlaw sang impeachment trial ni Vice President Sara Duterte sini nga Miyerkules.

Sa pagpamangkot ni Senator-judge Kiko Pangilinan, ginpamatud-an ni Cham nga may duha ka peso checking account ang Cale88 sa Security Bank, apang pareho na ini nga sarado.

Base sa bank records nga ginpresentar sa trial, ang una nga account may ending balance nga P332,530.95 sang Disyembre 2025, samtang ang ikaduha may P21,164.27.

Suno kay Cham, ginbuksan ang una nga account sang Agosto 2024 kag ang ikaduha sang Oktubre 2025. Pareho naman ini nga gin-close sang Hulyo 2026.