KORONADAL CITY – Generally peaceful sa karon ang pungsod Ukraine makaligad ang nagalapta nga mga balita nga “any time” magalusob ang pungsod Russia agud nga sakupon ang ila nga lugar.
Ini ang ginpahayag ni Joy Fernandez Tolento, Bombo International News Correspondent to Ukraine sa interbyu sang Bombo Radyo Koronadal.
Suno sa iya, wala sang kamatuuran ang ginasiling sang pipila ka mga US leaders nga ginapapanik sila bangud nga pagasakupon na sila sang Russia, bangud sa karon malinong ang ila nga lugar kag wala gid sang bisan ano nga kinagamo nga nagaluntad sa ila nga lugar.
Sang tinalkdan gane nga adlaw, may yara pa sila sang oras agud nga magpatigayon sang party.
Apang sa pihak sini, ginapakalma lang nila ang ila nga kaugalingon kag nakapreparar man sila nga maghalin sa ila nga lugar kung posible nga madayon ang kinagamo sang duha ka pungsod.
Gindugang pa sini nga pati man ang Philippine Embassy, may yara naman sang tikang kag nakapreparar man nga magbulig sa ila nga mga Filipino nga magbakwit sa tion nga sakupon gid man sang Russia ang pungsod Ukraine
