Nagapanawagan ang mga opisyal sang energy sector sang dugang nga investments sa battery storage kag renewable energy matapos ang asod-asod nga brownout sa pila ka bahin sang Pilipinas.
Suno sa Energy Regulatory Commission (ERC), ang red kag yellow alerts sang nagligad nga semana bangud sang mataas nga demand kag kulang nga supply sang kuryente.
Gin-ako ni ERC Chairperson Francis Juan nga kinahanglan pa sang gobyerno sang mas epektibo nga tikang agud malikawan ang pagliwat sang power outages.
Ginsiling naman ni ERC Director Sharon Montañer nga madamo nga hydroelectric plants ang naga-operate nga indi bug-os ang kapasidad bangud sang epekto sang El Niño kag manubo nga water levels.
Ginaduso man sang ERC kag Department of Energy (DOE) ang dugang nga battery storage systems agud matipigan ang sobra nga solar energy sa adlaw kag magamit sa gab-i kun mataas ang demand.
Suno kay DOE Undersecretary Felix William Fuentebella, may yara na sang sobra 1,000 megawatts nga bag-o nga power capacity nga operational subong nga tuig, kag ginapaabot pa ang dugang nga suplay antes matapos ang 2026.
