KORONADAL CITY- Tatlo ang ginatan aw nga mga suspek sa pagpatay sa isa ka 7-anyos nga bata nga babae nga na-missing sang 3 ka adlaw kun diin nakasulod na ini sa sako kag ginapatihan biktima sang pagpanglugos sa Purok 9, Barangay Conel, General Santos City.
Ini ang ginapaid-idan sa karon sang mga otoridad sa ila nga nagapadayon nga imbestigasyon.
Suno pa sa imbestigasyon, tatlo ka mga persona ang ginatan aw nga suspek sa krimen- posible ang iya amay nga ginlugos man siya dati kag naglayas bangud sa kaso nga rape, ikaduha amo ang iya nga tiyo nga ginbinlan sa iya sang naghalin ang iya nga lola agud magligo kag ang ikatatlo amo ang isa ka 74 anyos nga lalaki nga ingud balay sini bangud may nakit an nga kutsilyo sa ila nga balay nga posible gingamit sa krimen.
Madumduman nga nga ang biktima ang ginkilala kay alyas Arian nga residente sang nasambit nga lugar.
Nahibaluan nga ginreport sa kapulisan sang lola sini nga nadula ang biktima sang Marso 10,2024 kun diin alas-3 sang hapon pa ini ulihi nga nakita.
Apang, sini nga kahapon nasapwan ini nga nakasulod na sa sako kag wala na sang kabuhi. .
Ginapatihan nga ginlugos ang biktima ates nga ginpatay.
Sa karon, nagasinggitan sang hustisya ang iloy sang biktima.
Nagapadayon man ang imbestigasyon sang mga otoridad sa natabo.
