Ginkumpirma sang Office of Civil Defense (OCD) nga ginpataas na ang heightened alert sa tanan nga regional offices sang ahensya sa bug-os nga pungsod bilang preparasyon sa palaabuton nga eleksyon subong nga tuig.
Sa isa ka pahayag, ginpabutyag ni OCD Administrator Undersecretary Ariel Nepomuceno nga isa sa mandato sang ila ahensya amo ang pagsiguro nga mangin malinong kag segurado ang eleksyon karon nga tuig.
Suno sa iya, ang ila preparasyon kag padayon nga koordinasyon importante sa proteher sang kabuhi, pagpabilin sang kalinong, kag pagpabakod sang pagsalig sang publiko sa proseso sang eleksyon.
kaangtanan sini, ginpalapad man sang National Disaster Risk Reduction and Management Council (NDRRMC) ang ila blue alert status nga magasugod Mayo 9 tubtob Mayo 14.
Tuyo sang sini nga lakang nga masiguro ang mas epektibo nga pagmonitor sang importante nga mga developments kag mas dasig nga pagresponder sa tion sang emerhensya.
Magapadayon man ang presensya sang pila ka mga personahe sang Armed Forces of the Philippines (AFP), Bureau of Fire Protection (BFP), Philippine Coast Guard (PCG), kag Philippine National Police (PNP) sa NDRRMC Operation Center.
