Haharap si House Prosecutor Leila de Lima sa Senate impeachment court sa Setyembre 23 upang ilahad ang posisyon ng House Prosecution panel sa bilang ng boto na kailangan para ma-convict si Vice President Sara Duterte. Kinumpirma ito ni House prosecutor Chel Diokno.
Sentro ng oral arguments ang interpretasyon sa constitutional requirement na two-thirds ng lahat ng miyembro ng Senado para sa conviction. Sa kasalukuyan, itinakda ang threshold sa 16 boto, batay sa 24-member Senate, ngunit kinuwestiyon ito dahil sa hindi paglahok ng ilang senator-judges sa paglilitis.
Ihahain ng prosecution at defense ang kani-kanilang legal na argumento bago magpasya ang impeachment court kung pananatilihin ang 16-vote threshold o gagamit ng ibang paraan ng pagkukuwenta.
