Numero sang wala sang trabaho, nagsaka sang Hulyo suno sa PSA

Nagsaka ang numero sang mga Filipino nga wala sang trabaho sang tinalikdan nga bulan sang Hulyo.

Suno sa Philippine Statistics Authority (PSA), ang pagtapos sa kolehiyo kag senior high school kag pagsulod sa labor force sang mga lamharon ang rasun sa pagsaka sang numero sang mga wala sang trabaho.

Suno oa kay PSA chief Claire Dennis Mapa, sa edad 15 pasaka, 2.38 ka milyon ang wala sang trabaho sang Hulyo sini nga tuig. Mas mataas ini sa 1.62 million nga numero sang unemployed sang Hunyo.