KORONADAL CITY – Ginbawian sang kabuhi ang isa ka 51-anyos nga negosyante nga babaye matapos nga ginpusil sa atubangan sang Municipal hall sang Kabacan, North Cotabato.
Ginkilala sang Kabacan PNP ang biktima nga si Cristina Corpuz Reyes, separado sa bana kag residente sang Antipas, Cotabato.
Suno sa kapulisan, sakay sang isa ka gray nga Nissan Navarra pick-up ang biktima kaupod ang drayber sini sang ginbalabagan sang mga suspek kag gintiro gamit ang isa ka caliber 45 pistola.
Nakaangkon sang pilas sa nagkalain-lain nga bahin sang iya lawas ang biktima nga gilayon gindala sa Mindanao Doctors Hospital Cancer Center Incorporated apang tigayon nga ginbawian sang kabuhi.
Sa subong nagapadayon ang hot pursuit operation sa mga suspek nga nagapalagyo matapos mahimo ang krimen.
Samtang,ginahibalo pa sa karon kun ano ang motibo sa pagpaniro-patay sa biktima.
