Nagakabalaka ang TNT Tropang 5G nga posible nag-agom sang partial Achilles tendon tear sa iya wala nga tiil ang ila import nga si Bol Bol matapos ini nga ma-injury sa Game 2 sang PBA Season 50 Commissioner’s Cup semifinals.
Gindala si Bol sa locker room matapos ini matumba kag magsinggit sa kasakit sa nabilin nga 2:37 minutos sang first quarter samtang nagatuyo siya nga mag-drive padul-ong sa basket.
Suno sa mga physical therapist sang koponan, nag-agom si Bol sang partial tear sa Achilles tendon sang iya wala nga tiil kag gilayon nga gindangat Gindala sa balay-bululngan ang basketball player agud ipaidalom sa MRI examination.
Samtang, ginkumpirmar man ni Lastimosa nga indi na makabalik sa madason nga hampang si Bol.
Sa pihak nga bahin, ginakonsiderar sang TNT nga magtal-os kay Bol sanday Marquese Chriss kag Darius Days bilang bag-o nga import sang koponan.
