Padayon nga nagapanguna ang National Capital Region (NCR) sa partial kag unofficial medal tally sang Palarong Pambansa 2026 subong nga Mayo 27, 2026.
Nagpanguna ang NCR nga may 12 ka bulawan nga medalya, 6 ka silver, kag 10 ka bronze para sa kabug-usan nga 28 ka medalya.
Nagasunod naman ang CALABARZON (Region IV-A) nga may 9 ka bulawan, 8 ka silver, kag 6 ka bronze ukon kabug-usan nga 23 ka medalya.
Samtang yara sa ikatatlo nga puwesto ang Western Visayas (Region VI) nga may 7 ka bulawan, 5 ka silver, kag 7 ka bronze para sa total nga 19 ka medalya.
Nagasunod naman ang Negros Island Region (NIR) nga may 6 ka bulawan, 4 ka silver, kag 2 ka bronze ukon 12 ka medalya, kag ang Bicol Region (Region V) nga may 5 ka bulawan, 3 ka pilak, kag 5 ka bronze para sa kabug-usan nga 13 ka medalya.
Lakip man sa top 10 ang Eastern Visayas (Region VIII) nga may 11 ka medalya, Central Visayas (Region VII) nga may 15 ka medalya, Northern Mindanao (Region X) nga may 12 ka medalya, Central Luzon (Region III) nga may 9 ka medalya, kag Ilocos Region (Region I) nga may 10 ka medalya.
Samtang, nakarekord man sang medalya ang Davao Region (Region XI), Zamboanga Peninsula (Region IX), National Academy of Sports (NAS), MIMAROPA (Region IV-B), SOCCSKSARGEN (Region XII), Cagayan Valley (Region II), BARMM, kag Cordillera Administrative Region (CAR). Wala pa sang medalya ang Association of Philippine Schools Overseas (APSO).
Ginapartisiparan subong nga tuig ang Palarong Pambansa 2026 sang mga atleta halin sa 18 ka rehiyon sang pungsod, lakip ang NAS kag APSO, nga may halos 1,500 ka medalya nga paga-awayan sa 24 ka regular sports, demo, para, kag exhibition events.
Target sang NCR nga makuha ang ika-19 sini ka asod asod nga overall championship matapos ang ila dominasyon sang 2025 sa Ilocos Norte.
