Nagpahayag si Israeli Prime Minister Benjamin Netanyahu nga nagpatigayon na sila sang negosasyon ni US President Donald Trump nga ang bisan ano nga pinal nga kasugtanan sa Iran dapat magtapos sang ginatawag nga nuclear threat sang Islamic republic.
Suno kay Netanyahu, nakaistorya niya si Trump ga una na nga ginlaragway sang U.S. bilang isa ka maayo nga pag-istoryahanay.
Nabatian nga kabahin sang ila naistoryahan amo ang pagbungkag sang uranium enrichment facilities sang Iran kag ang pagkuha sang enriched nuclear materials halin sa ila teritoryo.
Ginpabutyag man sang Israeli leader nga kasubong gihapon ang ila posisyon ni Trump nga indi dapat mag-angkon sang nuclear weapons ang Iran.
Nahisgutan man suno pa sang duha ka lider ang memorandum of understanding bahin sa liwat nga pagbukas sang Strait of Hormuz, nga isa ka importante nga ruta sang pangkalibutan nga pagnegosyo sang suplay sang petrolyo.
Gindugang man si Netanyahu nga padayon nga mabakod ang alyansa sang Israel kag United States, labi na sa isyu sang seguridad kag depensa batok sa mga hulga sa rehiyon, lakip na ang sitwasyon sa Lebanon.
