Magapasang-at sang reklamo ang Philippine National Police – Criminal Investigation and Detection Group (PNP-CIDG) batok kay Senador Robin Padilla kag iban pa bangud sa ginaalegar nga pagbulig sa pagpalagyo ni Senador Ronald “Bato” dela Rosa.
Ginpahayag sang CIDG nga ila i-refer sa National Prosecution Service sang Department of Justice (DOJ) ang reklamo para sa ginapahayag nga paglapas sa Presidential Decree No. 1829 ukon obstruction of justice.
Suno sa ahensiya, ang pagsakay ni Padilla kay dela Rosa indi lang simple nga “hitch ride” sa baylo isa ka “highly coordinated, pre-planned logistical maneuver” agud indi suno pa ini ma-detect samtang nagalagas halin sa premises sang Senado sang kaagahon sang Mayo 14.
Ginadugang pa sang CIDG nga base sa ila imbestigasyon, may isa pa ka salakyan nga nagasunod sa salakyan ni Padilla nga nagserbi nga security escort kag backup car sa nasambit nga tikang.
Ginpahayag sang CIDG nga ang ila tikang nga pagpasang-at sang reklamo amo ang pagsunod sa ila mandato nga imbestigaran ang krimen kag ipatuman ang layi nga patas.
Suno sa CIDG, ang bisan ano nga pag-obra nga naga-obstruct sa pag-aresto ukon naga-abulig sa pagpalagyo sang ginakasuha ang makabaton sang kaangay nga kriminal nga kaso.
Samtang, ginpanginwala ni Padilla ang alegasyon kag nagsiling nga wala nagapalagyo si dela Rosa, sa baylo nga nagpasakay lang ini matapos ang insidente sang pagpangluthang sa gab-i sang Mayo 13.
