KORONADAL CITY – Pinasahi nga pamaagi ang ginhimo sang pila ka mga kabataan kag mga pumuluyo sa banwa sang Sto. Niño agud nga dumdumon si Mayor Pablo Matinong, Jr.
Sandig sa mga laragway, ginpangunahan nanaday Jhon Dapitan Ventoza, mga manunudlo kag mga pribado nga indibidwal sa pagpinta sang isa ka wall painting sa likod sang brgy. hall sang Brgy. Poblacion, malapit mismo sa ginluntaran sang krimen kun sa diin ginluthang-patay si mayor Matinong.
Sa eksklusibo nga interbyu sang Bombo Radyo Koronadal kay Sto. Niño Municipal Administrator Jofrey Frinal, ginpahayag sini nga ini suno pa ang ila nga pagpakita sang pakigsimpatiya kag paghigugma sa napatay nga alkalde.
Dugang pa sini nga halos tanan suno pa nga mga aktibidad nga para sa pagdumdum para kay Mayor Abog ang ginasuportahan man sang mga pumuluyo.
