Nagpabutyag sang pag suporta ang Medtech Department sang Notre Dame of Marbel Unirversity para sa patigayunon nga Dugong Bombo sa Nobyembre 15,2025.
Suno kay Sir Ryan Pedrigosa, RMT, ang program coordinator sang nasambit nga departamento, committed gid ang Medtech Department para sa pag-donar sang hamili nga dugo kag mangin “bleeders” para sa tanan nga maga-donar sang dugo. Dugang pa ni Pedrigosa, dako ang importansya sang dugo para sa mga indibidwal nga naga kinahanglan kay ini ang gintawag nga ”Fluid of Life” kag makahatag sang extension sang kabuhi para sa mga nagakinahanglan ilabi na ang dialysis patients, may mga dengue, kag iban pa.
Ginpahayag man sini, nga dako nga exposure ang Dugong Bombo para sa mga Medtech nga student-interns agud ma-expose sila sa mga civic activities kag ma-apply nila tanan nila nga natun an para sa bwas damlag sang ila mga career pathings.
Gihatagan man sang punto ni Pedrigosa nga madamo pa ang mga pasyente ang naga kinahanglan sang dugo kag kinahanglan nga mangin ang mga suplay sini sa magkalain lain nga bahin sang pungsod.
Gin-awhag naman sang nasambit nga program coordinator ang tanan labi na ang mga estudyante kag mga katawhan sang South Cotabato nga indi mag-duha duha nga mag-donar sang dugo agud madamo nga mga pangabuhi ang masalbar.
