Posible naman nga magsaka ang presyo sang mga produkto nga petrolyo sa madason nga semana bangud sa padayon nga krisis sa suplay sang petrolyo.
Base sa Mean of Platts Singapore (MOPS) kag foreign exchange trading sa nagligad nga apat ka adlaw, posible nga madugangan ang presyo sang diesel kag gasolina.
Ginataya nga magsaka sang P1.00 tubtob P1.30 kada litro ang diesel samtang posible man nga madugangan sang P1.20 tubtob P1.50 kada litro ang gasolina.
Suno sa isa ka source halin sa oil industry, padayon nga apektado ang diesel bangud sa mataas nga presyo sang krudo kag wala pa gihapon maresolbar ang problema sa suplay sang petorlyo sa world market.
Sa pihak nga bahin, nagpabilin man nga mataas ang presyo sang gasolina bangud limitado ang global supply kag nagataas ang demand, labi na sa Estados Unidos bangud sa pagumpisa sang peak summer season.
Bisan may dyutay nga pagnubo sang presyo sang krudo sang nagligad bangud sa positibo nga istoryahanay negosasyon tunga sang Amerika kag Iran, siling sang source nga nagpabilin nga pabag-o-bag-o ang hulag sang presyo bangud wala pa sang kasiguruhan kun san-o matapos ang tensyon sa Middle East.
