Gindayaw sang pila ka senador ang pag-aresto kay dismissed Bamban, Tarlac, Mayor Alice Guo sa Tangerang City, Indonesia.
Ginpasalamatan ni Senate President Francis “Chiz” Escudero ang mga toridad sa Indonesia sa pagdakop kay Guo.
Ginakilala man ni Sen. Sherwin Gatchalian ang maayo nga koordinasyon sang Indonesian kag Philippine authorities sa pag-aresto kay Guo Hua Ping, ang matuod nga ngalan ni Alice Guo.
Ginalauman sang Senador nga madala si Guo sa Senado nga amo ang institusyon nga nagpagwa sang arrest order batok sa iya.
Nagpanugyan man si Gatchalian kay Guo nga ibuyagyag kon sanday sin-o ang iya kahimbon sa ginapahayag criminal activities agud mapasaka ang nagakaigo nga kaso.
Nagpasalamat naman si Deputy Minority Leader Senator Risa Hontiveros sa mga otoridad sa Indonesia sa pagkadakop kay Guo.
