Nagpanawagan ang Department of Foreign Affairs ukon DFA sa China nga untatan na ang ila pagsakop sa Panganiban kag Subi Reefs sa West Philippine Sea.
Suno sa DFA, ang mga lugar ini yara sa Philippine exclusive economic zone ukon EEZ kag sakop sang United Nations Convention on the Law of the Sea (UNCLOS), base sa 2016 Arbitral Award.
Gin-insiter sang DFA nga ang pagpatindog sang mga artipisyal nga isla sang China nagalapas sa Philippine Maritime Zones Act kag UNCLOS.
Ini nga pahayag sang DFA nagsunod sa pagpalagwa sang pila ka flares sang Chinese forces batok sa eroplano sang Philippine Coast Guard nga nagapatigayon sang maritime domain awareness flight sang Lunes.
Nagpatigayon man ang Chinese forces sang radio challenge sa eroplano sang Pilipinas nga nagalabay pakadto sa Pag-asa Island, antes ini maglanding.
