May duha ka lugar nga ginpaidalom sa comelec control bangud sa sunod sunod nga may election related incident.
Ginkilala ni Lt Col Roden Orbon, ang spokesperson sang 6ID Philippine Army sa interbyu sang Bombo Radyo Koronadal ang duha ka banwa sa Maguindanao ang Datu Odin Sinsuat kag Buluan nga nasakupan sang Comelec control bangud sa mga tensyon kag mga insidente sang kagubot sa mga lugar.
Sa pihak nga bahin, ang mga otoridad, nagpatigayon sang security operations sa mga apektado nga lugar.
Ang operasyon nagatuyo nga mapabaskog ang kalinong sa mga komunidad samtang padayon ang mga preparasyon para sa hinalapit nga eleksyon.
Ginpangayuan man sang mga awtoridad ang publiko nga magbinuligay kag magpakigbahin sa mga peacekeeping efforts, ilabi na sa mga lugar nga apektado sang Comelec control.
Ang pagpanghiwat sang malimpyo kag hapsay nga eleksyon amo ang una nga layunin sang operasyon sang mga tropa sa magkalain-lain nga lugar sa rehiyon dose.
Pinaka-importante ang mga operasyon nga ini bilang preparasyon para sa May 12 nga midterm elections, nga nagakinahanglan sang kooperasyon kag kahilwayan sa mga pumuluyo kag otoridad.
Ang mga awtoridad padayon nga nagabantay sang mga koordinasyon sa mga lokal nga lider kag pumuluyo para sa mas malampuson nga piniliay.
