Mas ginpahugtan sa subong sang mga katapo sang militar kaupod na ang mga kapulisan ang seguridad sa bahin sang bug-os nga Bangasamoro Autonomous Region in Muslim Mindanao(BARMM) labi na sa nagahilapit nga BARMM Parliamentary Elections sa bulan sang Setyembre.
Ini ang ginkumpirmar ni LTC Ronald Suscano- Spokesperson sang 6ID, PA sa interview sang Bombo Radyo Koronadal.
Suno sa iya,nagpatigayon sang high-level security conference ang pamunuan sang COMELEC Regional Director for BARMM agud nga padayon nga preparahan ang palaabuton nga pinakauna nga BARMM Parliamentary Elections sa bulan sang Setyembre.
Kalakip man sa nasambit nga pagsinapol sanday COMELEC Chairman George Erwin Garcia, WestMinCom, PNP-BARMM agud ng siguraduhon nga maayo kag masangkad ang seguridad sang tanan nga kahiwatan sa preparasyon sang eleksyon.
Pagapangunahan naman ni Atty. Ray Sumalipao ang kasamtangan nga COMELEC Regional Director for BARMM/BARMM Regional Election Director ang eleksyon sa Rehiyon.
Sa pagsinapol, ginpaguwa sang COMELEC ang ginakabig nga Election Hotspots/Areas of Concern sa BARMM para sa Sept 14, 2026 Parliamentary Election.
Base sa COMELEC,12 ka mga munisipyo ang ginbutang sa idalom sang Red Category sa diin may history sang election-related violence kag presence ng armed groups nga mahimo makaaapekto sa free kag fair elections.
Ang mga ini ang ginakalakipan sang mga lugar sang
- Lanao del Sur – 6 banwa
- Lumba-Bayabao
- Masiu
- Mulondo
- Poona Bayabao
- Taparan/Tamparan
- Taraka
- Maguindanao del Sur – 5 banwa
- Buluan
- Datu Paglas
- Mangudadatu
- Paglat
- Pandag
- Basilan – 1 banwa
- Al-Barka
Ginpasiguro naman sang mga katapo sang Armed Forces Of the Philippines (AFP) kag Philippine National Police (PNP) PRO-BAR nga preparado ang mga ini sa anu man nga mga security response sa tion sang election related activities.
