Ginmanduan na ni Commission on Elections (COMELEC) Chairman George Erwin Garcia ang Philippine National Police (PNP) kag ang Armed Forces of the Philippines (AFP) nga maghiwat sang imbestigasyon sa pagpang-ambush sa convoy ni Bangsamoro Autonomous Region in Muslim Mindanao (BARMM) interim Chief Minister Abdulraof Macacua.
Ginsiling ni Garcia nga luyag nila nga mapanabat ang yara sa likod sang nasambit nga insidente.Bisan pa ini ang may kahilabtanan eleksyon ukon indi, importante karon nga mapabilin ang kalinong kag katawhay sa lugar. Importante nga masiguro ang kakalmante sang kada isa kag ipabilin ang pagrespeto sa constitutional right nga nasaad sa kasuguan.
Madumduman nga ginbanggaan ang convoy ni Macacua sang Sabado, Agosto 15 kon sa diin padulong ini sa Cotabato City kag gikan siya sa Maguindanao del Norte. Nagtambong si Macacua sa isa ka pagtililipon sang Bangsamoro Federalist Party.Nakaluwas naman si Macacua matapos nga wala sila nagdulog tubtob makalab-ot sa Bangsamoro Government Center sa Cotabato City.
